luns, 20 de novembro de 2023
FESTEXAMOS O MAGOSTO 2023!!!
xoves, 2 de novembro de 2023
CELEBRACIÓN SAMAÍN 2023
Despedimos outubro coa festa terrorífica do Samaín!!!
Decoramos o cole con elementos típicos desta festa e murais colaborativos interetapas dunha cidade ateigada de lixo da que os humanos do futuro tiveron que fuxir, relacionando coa liña temática deste ano como xa se explico en anteriores entradas.
As familias participaron coas suas creacións de "casiñas monstruosas" con elementos de refugallo. Un grupo de nais tamén nos contou historias terroríficas, fixo xogos polas aulas de Infantil Primaria, así coma un obradoiro de maquillaxes de terror.
Visitounos Anxo Moure e todo o alumnado disfrutou da súa sabedoría sobre os celtas e o coidado da natureza con fermosas historias dramatizadas.
Tamén nos asinou algúns dos libros que escribiu e quedan na biblio do cole para disfrutar a súa lectura.
A continuación un resumo do acaecido no centro onde grandes e pequenos se transformaron terroríficamente por un tempo.
luns, 30 de outubro de 2023
PROGRAMA DO SAMAÍN!!!
AQUÍ ESTÁ O PROGRAMA DESTE ANO. A DISFRUTAR MOITO!!!
domingo, 17 de setembro de 2023
XA ESTAMOS DE VOLTA!!
Este curso elaboramos a Proxecto de dinamización da lingua galega arredor do proxecto común de centro “MENDELIANOS Ó RESCATE”.
Centrado na película Wall-E estreada no ano 2008, dirixida por Andrew Stanton, producida por Pixar Animation Studios e distribuida por Walt Disney.
Nela retrátase unha escura realidade e un futuro que non está tan lonxe da especie humana, onde o consumismo e a irresponsabilidade dos humans na sociedade capitalista acaban coa vida na terra. Está cargada de valores: esforzo, amizade, solidaridade, empatía...
É unha película social, ecolóxica e anticonsumista. Cargada dunha mensaxe
de aviso pero tamén de esperanza.
mércores, 14 de xuño de 2023
TARABELA 12: XORNAL ESCOLAR CURSO 22_23
Aquí temos a TARABELA número 12 .
O xornal escolar deste curso 2022-2023.
PARABÉNS E MOITAS GRAZAS A TOD@S OS QUE FIXESTES QUE ENTRE TOD@S FOSE POSIBLE!!!
Preme AQUÍ e a disfrutala.
luns, 12 de xuño de 2023
TEATRO DE MONICREQUES: " UN SOÑO É..."
O pasado venres día 9 de xuño tivemos un teatriño de monicreques no cole.
Organizado por un grupo do alumnado da ESO, na materia de Lingua Galega, para o alumnado de Infantil e Primeiro Ciclo de Primaria.
Unha actividade interetapas na que todos o pasaron xenial.
PARABÉNS!!
Ver video resumo da actividade AQUÍ
mércores, 24 de maio de 2023
SEMANA DAS LETRAS GALEGAS 2023
Este ano o autor homenaxeado polo día das Letras Galegas foi Francisco Fernández del Riego. Ó longo da semana pasada no centro fixeronre varias actividades nas diferentes etapas educativas e interetapas.
No enlace que segue recóllese un resumo do ben que o pasamos!!!
martes, 16 de maio de 2023
venres, 12 de maio de 2023
ACTIVIDADES SEMANA DO LIBRO
Para conmemorar o Día do Libro (23 de abril), leváronse a cabo varias actividades no centro, a semana pasada, coa participación de toda a comunidade educativa. A continuación un resumo no enlace que segue.
xoves, 27 de abril de 2023
mércores, 29 de marzo de 2023
DÍA INTERNACIONAL DO LIBRO INFANTIL
Chega o Día Internacional do Libro Infantil o vindeiro 2 de abril, o concello de Ourense lanza a seguinte actividade de Contacontos na Biblioteca da Carballeira, así como desconto nas librerías o venres 31 de marzo.
CELEBRACIÓNS PRIMAVERA
Chega a primavera e dámoslle a benvida cunha morea de actividades. Contacontos polo día mundial do síndrome de Down, plantamos árbores no noso xardín e recitámoslles poesía para que prendan ben e medren co noso cariño.
8 MARZO
NO CENTRO FIXEMOS DIVERSAS ACTIVIDADES PARA RECOLLECER O PAPEL DA MULLER. NO SEGUINTE ENLACE ESTÁ UN VIDEO CO RESUMO DAS MESMAS
mércores, 1 de marzo de 2023
DÍA DE ROSALÍA DE CASTRO
O pasado xoves, 23 de febreiro, conmemoramos no Centro o Día de Rosalía de Castro, cun pequeno acto no patio, durante o tempo de lecer do alumnado.
Tamén elaboramos entre as diferentes etapas un mural cos debuxos das caras de Rosalía e outro mural cheo de rosas e poemas da escritora.
Logo, nas distintas titorías, tivo lugar un intercambio de rosas con poema e photocall rosaliano.
venres, 24 de febreiro de 2023
13 FEBREIRO - DÍA MUNDIAL DA RADIO
Proclamado en 2011 polos Estados Miembros da UNESCO e adoptado pola Asamblea Xeral das Nacións Unidas en 2012 como Día Internacional, o 13 de febreiro convertiuse no Día Mundial da Radio (DMR).
O tema da 12ª edición do Día Mundial da Radio, que se celebra hoxe, 13 de febreiro de 2023, é "Radio e Paz".
Esta é a razón pola que o apoio á radio independiente debe considerarse parte integrante da paz e a estabilidade. No Día Mundial da Radio 2023, a UNESCO destaca a radio independiente como pilar para a prevención de conflitos e a consolidación da paz.
Dende o Centro, para celebralo, compartimos hoxe a cuña radiofónica, realizada por un grupo do alumnado para publicitar o centro neste mes de Portas Abertas.
Premendo no seguinte arquivo pode escoitala.
TEMPO DE ENTROIDO E MOITA TROULA!!!!
Os máis pequenos, o martes 31, comezaron o entroido co Domingo Fareleiro, que nos convertemos en Papeleiro.
O luns, día 6, celebramos o Domingo Oleiro, transformado en Luns Peloteiro,
e rematamos a semana co Xoves de Compadres coa correspondente carreira, no
tempo de lecer, entre todas as etapas, para salvar ou estragar o Compadre
segundo corresponda.
O luns, día 13, comezamos a semana cos mandadiños da DRUIDAS, convertindo cada día desta semana en troula e diversión. Tivemos a visita dos Felos de Esgos na ESO. O xoves 16, tiveron o seu momento as Comadres, con carreira coma no xoves anterior.
O venres 17 desfile dende o cole ata as pistas de atletismo do Campus Universitario.
Este ano a tema do desfile estivo relacionada coa Liña Temática deste curso "Exploramos e coñecemos a nosa contorna".
Así o alumnado disfrazado (traxes elaborados no centro e coa colaboración das familias) de Castrexos por unha banda e Romanos por outra escenificaron o Pacto de Paz, recollido na Tésera conservada en Celanova, para unha boa convivencia no Castro de San Tomé que temos na contorna do Centro e sobre o que leva investigado o alumnado.
Podedes ver un resumo premendo nos enlaces seguintes:
Corredoiro, visita dos Felos de Esgos e Comadres.
martes, 7 de febreiro de 2023
sábado, 4 de febreiro de 2023
CELEBRANDO O DÍA DA PAZ
O pasado luns, día 30 de xaneiro de 2023, coma cada ano, celebramos no centro o día da paz.
No patio reuníuse toda a comunidade escolar para cantar e bailar a canción "Cantarela dos nenos" basada no poema de X. Neira Vilas, rematando coa lectura do correspondente manifesto.
A continuación, no seguinte enlace. podedes ver o resumo das actividades feitas.